Si pjesë e strategjisë së komunikimit e cila synon njohjen e bizneseve dhe të publikut në përgjithësi me rolin dhe veprimtarinë e tij në mbrojtje të interesave të ofertuesve në procesin e prokurimit publik dhe atë të dhënies me koncesion, me mbështetjen e Projektit të Sfidës së Mijëvjeçarit, të administruar nga USAID, në shkurt 2008, Avokati i Prokurimeve filloi një fushatë informuese të shtrirë në të gjithë vendin. Në një fazë të parë një mujore, ajo përfshiu transmetimin ditor të katër spoteve televizive të shoqëruar dhe me botimin e një njoftimi në shtyp në mediat kryesore shqiptare. Ndërkohë është botuar dhe shpërndarë në Tiranë dhe 28 rrethe të tjera të vendit dhe një broshurë prezantuese mbi kompetencat e Avokatit të Prokurimeve në bazë të legjislacionit në fuqi.